2008/04/04 admin
Mozilla fundazioak gehigarrien AMO webgunea berritu ondoren, Euskalbarren deskargen estatistika osatuagoak eskaintzen hasi dira. Orain, eguneko eta asteko zenbat deskarga egon diren jakiteaz gain, bertsioz bertsio dauden deskargak ikus daitezke, bai eta sistema eragilearen araberako deskargak ere (azken hau Euskalbarren kasuan oraindik ez dabil). Horrez gain, erabiltzaile aktiboen kopurua zenbatzen da, alegia, Euskalbar instalatuta daukaten eta eguneraketa bila AMOrekin konektatzen den erabiltzaile kopurua (Firefox irekitzean, instalatutako gehigarrien eguneraketak bilatzen ditu automatikoki).
AMOk estatistikak modu pribatuan utzi edo publiko egiteko aukera ematen du, eta guk denok ikusteko moduan uztea erabaki dugu. Hemen dauzkazue:
Bestelakoak kategorian sailkatua | Ez dago erantzunik »
2008/02/06 admin
Eta ez da nolanahiko saria: hor goian ikus daitekeen banner polita oparitu digute.
Teknopataren txokoan lehiaketa bat antolatu dute 2007an euskarazko mundutxo digital honetan onenak izan omen diren ekarpenak hautatzeko. Azkenean internauten botoei esker bigarren postua eskuratu dugu. Seguru guk baino lan gehiago egin dutenek atzerago gelditu direla, baina ze arraio, kristoren ilusioa egiten digu.
Eskerrik asko Euskalbar erabiltzen duzuen milaka lagunei. Ez da txantxa, ez, Mozillako webguneko estatistikek gezurrik ez badiote:
- Euskalbar 3.0: 3.500 deskarga
- Euskalbar 3.1: orain arte, 4.500 deskarga
Eskerrik asko denoi.
Bestelakoak kategorian sailkatua | Ez dago erantzunik »
2007/12/27 admin
Gotzon Egiak Euskalbarrentzako azal bat bidali digu.
Dotore-dotorea, ezta? Mila esker, Gotzon.
Azala erabiltzeko, sakatu irudiaren gainean saguaren eskuineko botoiarekin eta hautatu “Gorde lotura honela…”. Gero, joan Euskalbarren “Hobespenak” koadroko “Azalak” atalera eta hautatu deskargatu berri duzun CSS fitxategia.
Funtzionamendua kategorian sailkatua | 3 erantzun »
2007/12/15 admin
Euskalbarren 3.1 bertsioari azal pertsonalizatuak erabiltzeko aukera gehitu diogu.
Azalak, izatez, kontsultaren edukiari itxura emateko erabiltzen diren CSS motako fitxategiak besterik ez dira. Orain arte, aplikazioak berak barnean zekartzan hiru azal erabil zitezkeen soilik. Bertsio berrian kanpotik kargatutako azalak ere erabili ahal izango dira. Adibide gisa, bi azal berri sortu ditugu, hau eta hau.
Oso erraz erabiltzen dira: gorde azala ordenagailuko direktorio batean, joan Euskalbarreko “Hopespenak” koadroko “Azalak” atalera, eta hautatu gordetako azala “Arakatu” botoiaren bidez. Hortik aurrera, kontsulta bat egiten den bakoitzean azal berria erabiliko da.
CSSa menderatzen baduzu, azal horietako edozein hartu eta zure gustura molda dezakezu, Euskalbarrek itxura berezia izan dezan. Azal politen bat sortzen baduzu, ez ahaztu guri bidaltzea, eta webgune honetan jarriko dugu denon eskura.
Funtzionamendua kategorian sailkatua | Ez dago erantzunik »
2007/12/12 admin
Euskalbarren azken bertsiora eguneratu den jendearen artean, zenbaitek arazoak eduki dituzte barrako hainbat botoirekin kontsultak egiteko.
Auzi hau konpontzeko lehen bidea Euskalbar desinstalatu eta berriro instalatzea izan ohi da. Hau eginda ere arazoak bere horretan jarraitzen badu, mesedez idatzi posta elektroniko bat niri (Asier Sarasua) eta Euskalbar leheneratzeko argibide gehiago emango dizkizuet.
Funtzionamendua kategorian sailkatua | 5 erantzun »