Tira, ez da arazo potolo bat ere; dagoen bezala utzita arazorik gabe erabil daiteke eta hori da inportanteena. Maniatiko xamarra naiz horrelakoekin eta neurriz aldatzea gauza sinplea izango zela pentsatu dut.

Tira, Firefox edo Flock bertsio berriak kaleratu hartu itxaron dezaket.

Mila esker

Bai, niri ere gertatu zitzaidan Flock probatu nuenean duela hilabete pare bat. Are gehiago, Firefoxekin ere gertatzen zait lehenetsitakoa ez den gai bat, adibidez Qute, erabiltzen dudanean. Itxura batean, Windowsen ez da agertzen arazo hori, Ubuntu Linuxen bai.

Badirudi Firefoxek (eta Flockek) ez dutela Euskalbarren erabiltzen ari garen botoi mota bat ondo erakusten gai bereziekin. Hain zuzen, hizkuntza aldatzeko botoian eta Euskaltermen erabiltzen ari gara elementu hori. Ez dauka zerikusirik Euskalbarren azalekin.

Orain ez dut gogoratzen Flockek gaia aldatzeko aukera ematen duen, baina ematen badu, agian Firefoxen gai klasikoa erabiltzen saia zaitezke. Hala ere, arazoa bug bezala idatzita utziko dut Google Coden, badaezpada norbaiti konponbideren bat bururatzen bazaio.

Bestalde, Euskalbarren jatorrizko hiru azalak ezin dira aldatu ez badakizu gehigarriak nola paketatzen eta despaketatzen diren. Dena den, Euskalbar Ubuntun non dagoen ikusi nahi baduzu: joan zure erabiltzailearen karpetara eta sakatu Ktrl+H, horrela karpeta ezkutuak ikusiko dituzu (puntu bat daukate izenaren aurrean), bilatu “.flock”, eta horren barruan zure profilean sartu, eta horren barruan “extensions” karpetan, Euskalbarrena den karpeta bat dago.

Agur, eta eskerrik asko Euskalbar erabiltzeagatik.

Assar.

Ez dakit hau ote den lekurik aproposena nire galdera plazaratzeko baina Google Coden egon eta gero, hura eskaerak egiteko baino iradokizunetarako leku aproposagoa dela pentsatu dut. Galderak egiteko txoko baten bila aritu naiz baina ez dut aurkitu, beraz, iruzkin hau idaztea pentsatu dut. Barkamena eskatzen dizuet ez bada horretarako lekurik egokiena.

Tira, hauxe da galdetu nahi nuena: egun batzuk daramat Flock nabigatzailearekin probaketetan. Oso aproposa iruditzen zait, ni bezala, bizitzaren %90 sarean egiten duen batentzat. Berezkoak dituen zerbitzuetaz gain Firefoxeko ia gehigarri gehienekin da bateragarria, beraz, ohikoa bihurtu den bezala, Euskalbar izan da instalatu dudan lehena.

Dena primeran; arazorik gabe erabil daiteke Flocken. Dena den, Firefoxen ez bezala, Euskalbarrek hartzen duen zabalera handiegia dela iruditzen zait; Firefoxen beste barrekin txukun integratzen den bezala Flocken zabalegia da. Barraren azalaren diseinua human.css fitxategian alda daitekeela ikusi dut, beraz, pentsatu dut bertatik aukera izango dudala barraren neurriak pixel batzuetan txikitzeko aukera.

Kontua da ez dudala inon aurkitzen fitxategi hori. Ubuntu 7.10ekin ari naiz (hasi besterik ez dut egin) eta karpeta sistemarekin ohitzeko arazoak ditut. Bilaketa bat egin dut human.css hori aurkitzeko baina ez da ezer agertzen. Flock /home/username/flock karpetan daukat. Ideiarik non demontre egon daiteke css fitxategi hori? Ba al dago beste aukerarik barraren zabalera aldatzeko?

Eskerrik asko!