Euskalbar » Funtzionamendua

Grisleun, azal berria Euskalbarrekin erabiltzeko

admin — Thu, 27 Dec 2007 21:50:28 +0000

Gotzon Egiak Euskalbarrentzako azal bat bidali digu.

Dotore-dotorea, ezta? Mila esker, Gotzon.

Azala erabiltzeko, sakatu irudiaren gainean saguaren eskuineko botoiarekin eta hautatu “Gorde lotura honela…”. Gero, joan Euskalbarren “Hobespenak” koadroko “Azalak” atalera eta hautatu deskargatu berri duzun CSS fitxategia.

Azal pertsonalizatuak Euskalbarren

admin — Fri, 14 Dec 2007 23:00:19 +0000

Euskalbarren 3.1 bertsioari azal pertsonalizatuak erabiltzeko aukera gehitu diogu.

Azalak, izatez, kontsultaren edukiari itxura emateko erabiltzen diren CSS motako fitxategiak besterik ez dira. Orain arte, aplikazioak berak barnean zekartzan hiru azal erabil zitezkeen soilik. Bertsio berrian kanpotik kargatutako azalak ere erabili ahal izango dira. Adibide gisa, bi azal berri sortu ditugu, hau eta hau.

Oso erraz erabiltzen dira: gorde azala ordenagailuko direktorio batean, joan Euskalbarreko “Hopespenak” koadroko “Azalak” atalera, eta hautatu gordetako azala “Arakatu” botoiaren bidez. Hortik aurrera, kontsulta bat egiten den bakoitzean azal berria erabiliko da.

CSSa menderatzen baduzu, azal horietako edozein hartu eta zure gustura molda dezakezu, Euskalbarrek itxura berezia izan dezan. Azal politen bat sortzen baduzu, ez ahaztu guri bidaltzea, eta webgune honetan jarriko dugu denon eskura.

Arazorik Euskalbarrekin?

admin — Wed, 12 Dec 2007 22:16:56 +0000

Euskalbarren azken bertsiora eguneratu den jendearen artean, zenbaitek arazoak eduki dituzte barrako hainbat botoirekin kontsultak egiteko.

Auzi hau konpontzeko lehen bidea Euskalbar desinstalatu eta berriro instalatzea izan ohi da. Hau eginda ere arazoak bere horretan jarraitzen badu, mesedez idatzi posta elektroniko bat niri (Asier Sarasua) eta Euskalbar leheneratzeko argibide gehiago emango dizkizuet.

Hemen dago Euskalbar 3.1

admin — Mon, 10 Dec 2007 14:55:00 +0000

Aurreko mezuan esan bezala, eguneraketa honekin euskararen baliabide gehiago kontsultatu ahal izango dira Euskalbarren bidez: Ereduzko Prosa Gaur, Klasikoen Gordailua, Wikipedia eta Elebila.

Horrez gain, Euskalbarren erabiltzaileen eguneroko lana erraztuko duten zenbait laster-tekla sortu ditugu:

Ktrl+Alt+A: barra erakutsi/ezkutatzeko
Ktrl+Alt+Z: hizkuntza hautatzeko botoiaren zentzua aldatzeko
Ktrl+Alt+S: Euskalbarren testu-kutxara joan eta bertan dagoen testua hautatzeko
Ktrl+Alt+H: hiztegien menua erakutsi/ezkutatzeko
Ktrl+Alt+T: testuinguru-menua erakutsi/ezkutatzeko

Bertsio berria Mozilla gehigarrien webgunetik deskarga eta instalatu daiteke. Hurrengo egunetan bertsio berri honen gainerako berrikuntzak azalduko dizkizuegu. Berrikuntzen zerrenda osoa hemen dago.

Euskalbar 3.0 bertsioaren bideoa

admin — Thu, 15 Nov 2007 14:36:54 +0000

Bideo honetan Euskalbarren 3.0 bertsioak dituen aukera nagusiak erakusten dira.