2008/12/28 admin
Firefox 3.1 kaleratzeko oraindik denbora asko falta bada ere, bertsio horrekin bateragarria den Euskalbarren bertsio berria prestatu dugu. Hiru aldaketa txiki egin dizkiogu, besterik ez. Alde batetik, Euskaltzaindiak bere webgunea berritu duenez, moldaketatxo batzuk egin behar izan ditugu Euskalbarrek Hiztegi Batuaren kontsultak modu egokian egin ditzan. Bestetik, Open-tran datu-baserako kontsultak orain kontsulta konbinatu gisa ere egin daitezke. Azkenik, Elhuyarren hiztegiak kontsultatzean azentu-markekin zegoen arazoa konpondu da.
Euskalbarren bertsio berria Mozillaren AMO webgunean dago abenduaren 17tik, AMOko editoreek oniritzia eman diezaioten zain. Ordura arte, ez duzue jasoko eguneraketaren berri zuen Firefoxen.
Hala ere, Euskalbar berria probatzeko irrikan bazaudete, AMO webgunean izena eman eta ondoko helbidetik instala dezakezue:
https://addons.mozilla.org/en-US/firefox/addons/versions/5811#version-3.3
Kontuan izan AMOko erabiltzaile-kontua sortu beharko duzuela bertsio berri hau eskuratu nahi baduzue.
On egin.
Bertsioak kategorian sailkatua | Ez dago erantzunik »
2008/07/16 admin
Elhuyarrek bere hizkuntza-zerbitzuak on line jarriko zituela baliatuz, Euskalbarren bertsio berria prestatu eta kaleratu dugu.
Euskalbar 3.2 bertsioaren berrikuntza nagusia frantsesezko hiztegiak kontsultatzeko aukera da. Orain Euskalterm-ek eskaintzen duen frantsesezko terminologia eta Elhuyarrek sarean jarri duen euskara-frantsesa-euskara hiztegia erabil daitezke. Horrez gain, frantsesezko lokalizazioa erantsi zaio Euskalbarri, Firefox frantsesez duen edonork Euskalbarren interfazea ere hizkuntza berean erabili ahal izan dezan.
Bestalde, Elhuyarren ingelesa-euskara-ingelesa hiztegian kontsultak egiteko aukera berria ere sortu da. Garapen hau Euskalbarren aurreko bertsioan ingelesezko hiztegietan egin zitezkeen kontsultak osatzera dator.
Euskalbar berriak Euskalterm-eko latinezko terminologia ere erabil dezake. Erabiltzaile batek Google Code-ren webgunean egindako iradokizun bati erantzun dio garapen honek.
Amaitzeko, hemendik aurrera Elhuyarren gaztelania-euskara-gaztelania hiztegia Elhuyarren webgune berritik atzituko da.
Euskalbar 3.2 denon gustukoa izatea espero dugu. Zuzenean instalatu nahi izanez gero, sakatu hemen. Inork iradokizunen bat badauka, ez ahaztu hemen utz dezakeela.
Bertsioak, Hiztegi eta baliabideak kategorian sailkatua | 3 erantzun »
2007/12/10 admin
Aurreko mezuan esan bezala, eguneraketa honekin euskararen baliabide gehiago kontsultatu ahal izango dira Euskalbarren bidez: Ereduzko Prosa Gaur, Klasikoen Gordailua, Wikipedia eta Elebila.
Horrez gain, Euskalbarren erabiltzaileen eguneroko lana erraztuko duten zenbait laster-tekla sortu ditugu:
- Ktrl+Alt+A: barra erakutsi/ezkutatzeko
- Ktrl+Alt+Z: hizkuntza hautatzeko botoiaren zentzua aldatzeko
- Ktrl+Alt+S: Euskalbarren testu-kutxara joan eta bertan dagoen testua hautatzeko
- Ktrl+Alt+H: hiztegien menua erakutsi/ezkutatzeko
- Ktrl+Alt+T: testuinguru-menua erakutsi/ezkutatzeko
Bertsio berria Mozilla gehigarrien webgunetik deskarga eta instalatu daiteke. Hurrengo egunetan bertsio berri honen gainerako berrikuntzak azalduko dizkizuegu. Berrikuntzen zerrenda osoa hemen dago.
Bertsioak, Funtzionamendua kategorian sailkatua | Ez dago erantzunik »
